REC synon të pajisë mësuesit e rinj, që dalin nga bankat e shkollës, me njohuri dhe aftësi të reja metodike për të zhvilluar temat e edukimit mjedisor në shkollë, klasë, duke i bërë ata më kompetentë dhe të përgatitur në lidhje me kërkesat në rritje të realizimit të edukimit formal dhe joformal sot në shkollën tonë.

Fakultetet e përfshira në programin e REC për vitin 2008 - 2009, mbi futjen e edukimit mjedisor në kurrikulën universitare janë:
1. Fakulteti i Shkencave të Natyrës - Univeristeti i Tiranës
2. Fakulteti i Historisë dhe i Filologjisë - Univeristeti i Tiranës
3. Fakulteti i Shkencave të Natyrës - Universiteti "Aleksandër Xhuvani" Elbasan
4. Fakulteti i Shkencave të Natyrës - Universiteti i Shkodrës

Qendra Rajonale e Mjedisit (REC), nëpërmjet aktiviteteve të këtij programi, do të punojë me fakultetet përkatëse në përmirësim të Kurrikulës së Universitetit, duke paraqitur tematikat specifike mbi edukimin mjedisor për zhvillimin e qëndrueshëm.

Objektivat e këtij programi lidhen me:
• Riorientimin e edukimit në drejtim të zhvillimit të qëndrueshëm dhe rritjes së ndërgjegjes së publikut nëpërmjet zbatimit të temave që lidhen me edukimin mjedisor në nivel universitar.
• Përfshirjen e tematikave të edukimit mjedisor brenda kurrikulës së universitetetit.
• Rritje kapacitetesh të stafit të universiteteve për të përmirësuar dhe përgatitur programet mjedisore gjithëpërfshirëse.
• Arritjen e një edukimi më cilësor, i cili kontribuon në edukimin mjedisor, në zhvillimin e njohurive të përshtatshme dhe të fuqisë ligjore në Shqipëri.
• Mbështetje dhe pjesëmarrje e disa ose e të gjithë studentëve, në identifikimin, skicimin, zbatimin dhe monitorimin e zgjidhjeve, të cilat përmirësojnë cilësinë e shkollës dhe të mjedisit.
• Sigurimi i mundësive për shkëmbim eksperiencash dhe mësimeve të marra në nivel më të lartë edukimi.
• Krijim i urave të bashkëpunimit midis të gjithë aktorëve mbi çështjet e edukimit mjedisor në Shqipëri.

Vlerësim rreth përfshirjes
së Edukimit Mjedisor
në programet mësimore universitare


Edukimi Mjedisor në Sistemin Arsimor Bazë


Edukimi Mjedisor


E-mail:
DRuci@rec.org