Struktura
Paketa e Gjelbër përmban 22 tema në lidhje me mbrojten e mjedisit dhe zhvillimin e qëndrueshëm, të ndara në 5 kapituj.

• Elementët e mjedisit: ajri, uji, toka dhe biodiversiteti
• Kërcënimet mjedisore: urbanizimi, zhurma, mbetjet dhe kimikatet
• Aktiviteti dhe ndikimi i njeriut: energjia, transporti, industria, bujqësia, pyjet dhe turizmi
• Sfidat globale: ndryshimet klimatike, hollimi i shtresës së ozonit, acidifikimi dhe çështjet që ndikojnë mbi detet dhe oqeanet.
• Vlerat – etika dhe vlerat e lidhura me konsumin, shëndetin njerëzor dhe mjedisin, të drejtat e qytetarëve, dhe përgjegjësitë për të ardhmen e Tokës.

Secili prej komponentëve kryesorë të Paketa e Gjelbër – CD-ja, libri i mësuesit, kaseta e videos si dhe dilemat – ndjekin të njëjtën strukturë.

Libri i mësuesit
Libri i mësuesi është orientuar kryesisht për mësuesit evropianë dhe studentët e tyre.
Elementët kryesorë janë skenari i mësimeve, por që rekomandohet të përdoret i kombinuar me komponentët e tjerë të Paketa e Gjelbër si videon, CD dhe lojat e dilemave. Çdonjëra prej temave mjedisore është i mbuluar nga një ose më shumë mësime. Skenarët janë menduar të tillë që të mund ti sigurojnë përdoruesit informacion rreth koncepteve kryesore, çështjeve mjedisore, materialet e nevojshme, kohëzgjatjen e aktivitetit, vendin e zhvillimit, objektivat dhe metodologjinë e mësimit ose aktivitetit. 

Hyrja paraqet informacionin bazë mbi çështjet dhe përdoruesit, për më shumë informacion, mund të përdoren sesionet përkatëse që ndodhen në CD.
Përpara se të fillojnë aktivitetet, mësuesit mund të gjejnë fletët informuese dhe skemat në fund të çdo mësimi, të cilat mund të fotokopjohen për tu shpërndarë nxënësve. Në fund të librit do të gjenden, tabelat që prezantojnë një informacion skematik mbi temat mjedisore, skenari i mësimit dhe përshtatja e tyre me çështje të ndryshme në shkollë, po ashtu filmat e shkurtër vizatimor dhe klipet mjedisore.

Aktivitetet që përshkruhen në librin e mësuesit kanë një karakter udhëzues, më shumë se të detyrueshëm. Ata janë të orientuar për të zhvilluar imagjinatën e mësuesit në organizimin e aktiviteteve mjedisore të ngjashme me ato të sugjeruara, por këto në përputhje me nevojat specifike të çdo vendi si dhe me aftësitë e vetë nxënësve.
 
 

Përmbajtja e CD-s
CD-ja është e disenjuar vecanërisht për punën e mësuesit dhe edukatorëve, në fushën e edukimit mjedisor dhe zhvillimit të qëndrueshëm. Ajo siguron një informacion të gjerë për të 22 temat kryesore të cilat janë strukturuar si më poshtë: informacion i përgjithshëm mbi temën dhe përmbajtjen, cilat janë sfidat dhe si mund të kapërcehen problemet, disa raste sturimore, si dhe cfarë mund të bëjë secili prej nesh në lidhje me to.

Informacioni është i paraqitur me tekst, piktura, foto, harta, teste, tabela tërheqëse si dhe ilustrime, por duhen theksuar dhe videoklipet. CD-ja përmban gjithashtu dhe adresa interneti të faqeve mjedisore ndërkombëtare dhe kombëtare që trajtojnë po këto çështje. Plani i mësimeve është i njëjtë me atë të librit të mësuesit në format pdf, që mund të merren dhe përdoren si aktivitete në klasë.
 
 

DVD me filma mjedisorë
32 videoklipe, filma të shkurtër dokumentarë e edukativë (180 minuta), që gjenden në diskun DVD dhe që mund të përdoret në kompjuter apo në aparatura të tjera të përshtatshme, lidhen me 22 temat mjedisore siç paraqitet në tabelën përmbledhëse në fund të librit të mësuesit.
 
 

Loja e dilemës
Janë 22 raste studimore (një për çdo temë mjedisore) të organizuara në formën e lojës së dilemës. Secili prej rasteve studimore paraqet një situatë si dhe një numër zgjidhjesh të mundshme për situatën e paraqitur, zgjidhjen e problemit dhe komentet mbi aspekteve pozitive e negative për çdo përgjigje. Duke punuar me dilema, në këtë lojë, mësuesit dhe nxënësit mund të përfshihen në një diskutim të thellë në çështje dhe aspekte të vecanta të mbrojtjes së mjedisit apo konfliktit me zhvillimin ekonomik. Kjo lojë ndihmon nxënësit në përgatitjen e tyre për respektimin e mendimit të tjetrit, kuptimin dhe ndërtimin e konsensusit.
 

Paketa e Gjelbër

Përmbajtja e Paketës së Gjelbër:

Libri i Mësuesit

CD

DVD

Loja e dilemave