Edukimi mjedisor, i bazuar në Paketën e Gjelbër, është konsideruar si lëndë ekstra kurrikulare. Për herë të parë ai u praktikua me sukses gjatë simestrit të dytë të vitit akademik 2006-2007. Bazuar në njohuritë që ka nxënësi si dhe programet mësimore, mundësia më e mirë është futja e Edukimit Mjedisor në klasën e 7-të (2 orë në javë në dispozicion të lëndëve ekstrakurrikulare). Lidhja me njohuritë që ka marrë nxënësi në klasën e 6-të (lënda Biologji) është në ndihmë të idesë për futjen e Edukimit Mjedisor në klasën e 7-të.

Paketa e Gjelbër formon vlera të reja tek nxënësit dhe ngre një model të ri sjellje në shkollë, shtëpi dhe shoqëri. Ajo nuk është thjesht një përmbledhje njohurish në fushat e mjedisit. Nxënësit janë partnerë me mësuesit në kryerjen e aktiviteteve të ndryshme, në diskutime dhe vendimmarrje. Mesazhet kryesore të kësaj pakete shpërndahen nëpërmjet nxënësve dhe mësuesve, në mënyrë shumë efektive, dhe tek anëtarët e tjerë të familjes dhe shoqërisë.

Qendra Rajonale e Mjedisit (REC) po kontribuon jo vetëm në njohjen dhe futjen e lëndës së edukimit mjedisor në shkollë, por dhe në ngritjen profesionale të mësuesve, që do të trajtojnë këtë lëndë në shkollë.Për vetë specifikat dhe karakteristikat e kësaj pakete, gjatë tre viteve akademike prej vitiit 2006.
REC ka zhvilluar 55 trajnime për rreth 1600 mësues në të gjithë vendin.


Tashmë Paketa e Gjelbër është një realitet në shkollat tona duke plotësuar kështu një boshllëk në kuadrin e materialeve në dispozicion të shkollës dhe në mbështetje të mësuesit dhe të nxënësit për Edukimin Mjedisor. Ajo shërben më së miri edhe për përfshirjen e aktorëve të tjerë dhe të komunitetit në organizimin e aktiviteteve jashtëshkollore, në mënyrë që të ndikohet në ndryshimin e sjelljes.

Përgatitja e kësaj pakete është bërë e mundur në sajë të bashkëpunimit dhe dëshirës së mirë të shumë individëve dhe shumë organizatave, që dhanë ndihmën e tyre në përmbajtjen e saj.

Edukimi Mjedisor në Universitet

Paketa e Gjelbër

Takim kombëtar: Rruga e Paketës së Gjelbër nga klasa në komunitet

Momente nga trainimet


Edukimi Mjedisor
 

E-mail:
DRuci@rec.org