Rrjeti i zyrave te REC
REC Shqipëri

Zyra e REC për Shqipërinë  punon për realizimin e misionit të REC duke mbështetur organizatat jofitimprurëse, institucionet mjedisore në të gjitha nivelet, pushtetet vendore dhe aktorë të tjerë të interesuar në fushën e mjedisit, duke mbështetur proceset pjesëmarrëse e shkëmbimin e lirë të informacionit. Donatorët më të fundit janë: Komisioni Europian, Banka Botërore, Ambasada e Mbretërisë së Vendeve të Ulëta, SIDA, AECID, UNDP, SDC, BE.

Bëhu pjesë e Rrjetit të Reporterëve Lokalë Mjedisorë

Në kuadër të projektit CONTINUE, REC do të krijojë rrjetin e Reporterëve Lokalë për Mjedisin, duke synuar kualifikimin e anëtarëve të organizatave mjedisore, për t’u aftësuar më tej në paraqitjen e problemeve mjedisore në median lokale dhe më gjerë, si dhe në krijimin e shprehive komunikuese me median përmes hulumtimit të fakteve mjedisore dhe paraqitjes së tyre në trajtën e materialeve të shkruara Je anëtar i një organizate të shoqërisë civile për mjedisin? Dëshiron të shkruash më shumë mbi atë çka po ndodh me mjedisin në Shqipëri? Për më shumë ...

Udhëzuesi për Qëndrueshmërinë Organizative

Udhëzuesi i REC për Qëndrueshmërinë Organizative ka si qëllim të ndihmojë organizatat e shoqërisë civile për mjedisin për të vlerësuar performancën e tyre të brendshme, në mënyrë që të mund të hartojnë një plan zhvillimi organizativ për të rritur aftësitë e tyre. Udhëzuesi, në vetvete, jep udhëzime hap pas hapi për ndërmarrjen e një vlerësimi të brendshëm, për analizimin e të dhënave dhe, më pas, për hartimin e një plani zhvillimi për të trajtuar çështjet e vërejtura.

Manual për "Metodat e përmirësimit të shërbimeve për shërbimet publike"

Ky manual i drejtohet kryesisht atyre që punojnë në sektorin e ujësjellës-kanalizimeve e mbetjeve urbane dhe pushtetit vendor, ndonëse mund ta gjejnë të dobishëm edhe politikëbërësit në nivel kombëtar, financuesit, OJF-të dhe konsumatorët. Në të trajtohen çështjet e reformave institucionale, ku parashtrohen rrugët për përgatitjen e këtij procesi, si një hap i parë në reformën e ndërmarrjeve; si dhe nëpërmjet pjesëmarrjes së sektorit privat si një mundësi për të përmirësuar punën, ulur kostot dhe mundësuar më shumë kapitale